Mei Liadabuach - Zeidweulich wia Achülles

Das ist die Seite von Gustav Freudmann / Mei Liadabuach

Zeidweulich wia Achülles

(Temporary like Achilles/Bob Dylan)

Video gibds leida kans...

Schdeh vua dein Fensdta, Schadsl,
jo, is ned es easchde Moi.
Füh mi so hoamlos
und dei Hindtadia, de dscheck i voi.
Deisch i mi, oda bisd am End in mi vanoadt?
Du waaßd eh, wos i wü, Schods.
Nua, warum bisd daunn so hoadt?

Hob an Zuagaung zu dein Vuahaung.
Glaub, do wia_r_i bleibn a Weu.
Mochad ma gean a Büd vo dia,
nua i glaub, des wiad ma zschdeu.
Warum schicksd ma an, wos iwa mi so driwafoadt?
Du waaßd eh, wos i wü, Schods.
Nua, warum bisd daunn so hoadt?

Wia_r_a Noa bin i, in seine besdn Joa
und i waaß du heasd vo mia an jedn Dridt.
Oba is dei Heads aus Goid, oda is aus Schdüroboa
oda is duach und duach aus Granit?

Bin drinnan scho aum Gaung jeds,
lahn mi zuwe aun dei saumdwache Dia.
Dein Skorbpion siech i gaunds genau,
wos in Vuazimma scho sidsd dafia.
Kaunnsd ma bidte sogn, fia wos mi dea so auschdoadt?
Du waaßd eh, wos i wü, Schods.
Oba du bisd so hoadt!

Da Achülles rennd de Gossn owe,
reibd fesd auf und wü mi vajogn.
Ea fuchdld uma und is schbids
so wia_r_a Mau, wos Weibagwaund duad drogn.
Warum hosd da an wia den ned afoch nua daschboadt?
Du waaßd eh, wos i wü, Schods.
Oba du bisd so hoadt!